មកស្គាល់ប្រទេសទាំង១០ ដែលជាប់ចំណាត់ថ្នាក់ នៃការលក់លើប្រព័ន្ធអេឡិចត្រូនិច

វាមិនមែនជារឿងគួរអោយភ្ញាក់ផ្អើលទេដែលថាវិស័យពាណិជ្ជកម្មអេឡិចត្រូនិចកំពុងរីកចម្រើននៅលើពិភពលោក។ គេប៉ាន់ប្រមាណថាទីផ្សារអេឡិចត្រូនិចសម្រេចបាន ៣,៤៥ សែនកោដិដុល្លារនៅឆ្នាំនេះហើយការព្យាករណ៍សម្រាប់ឆ្នាំ ២០២១ គឺបង្កើនប្រាក់ចំណូលដល់ ៤,៨៧ សែនកោដិដុល្លារ។

ខាងក្រោមនេះជារបាយការណ៍េរពី Shopify Plus ឆ្នាំ​ 2017

១, ចិន៖ ជាប់ចំណាត់ថ្នាក់លេខ១ ខាងលក់លើប្រព័ន្ធអេឡិចត្រូនិច ដូចដែលគ្រប់គ្នាបានស្គាល់ គេហទំព័រដ៏ល្បីឈ្មោះរបស់ JACKMA គឺ Alibaba ដែលអាចរកចំណូលបាន 672 ពាន់លានដុល្លា។ក្នុងនោះផងដែរ ចិនក៏មានគេហទំព័រល្បីលក់តាមប្រព័ន្ធអេឡិចត្រូនិចក្នុងស្រុក២ទៀត គឺ jd និង pinduoduo ។

២,អាមេរិក៖
សហរដ្ឋអាមេរិកជាទីផ្សារពាណិជ្ជកម្មតាមប្រព័ន្ធអេឡិចត្រូនិចលេខ២ ហើយក៏ជាប្រទេសដែលបង្កើតទីផ្សារអនឡាញមុនគេលើពិភពលោកផងដែរតាមរយៈគេហទំព័រអេឡិចត្រូនិច(Amazon និង eBay)។
ភាគច្រើនដោយសារតែហេដ្ឋារចនាសម្ព័ន្ធដឹកជញ្ជូនល្អហើយមានតម្រូវការខ្ពស់សម្រាប់អ្នកលក់រាយឆ្លងដែន។​ ជាទូទៅជនជាតិអាមេរិកមានជំនឿទុកចិត្តលើអ្នកទិញឥវ៉ាន់តាមអ៊ិនធ័រណេត ដូច្នេះចំនួនទឹកប្រាក់ជាមធ្យមដែលអ្នកទិញឥវ៉ាន់ម្នាក់បានចំណាយគឺ​ ១៩៥១ ដុល្លារក្នុងមួយឆ្នាំ អាចអោយប្រទេសមួយនេះរកចំណូលបាន ៤៤៧ ពាន់លានដុល្លាពីការលក់លើប្រព័ន្ធអេឡិចត្រូនិច។

៣, ចក្រភពអង់គ្លេស៖
ចក្រភពអង់គ្លេសគឺជាទីផ្សារពាណិជ្ជកម្មអេឡិចត្រូនិកធំបំផុតមួយក្នុងចំណោម១០ ដែលមានអត្រាកំណើនកើនឡើង ១៧ ភាគរយជារៀងរាល់ឆ្នាំដែលអាចប្រទេសនេះរកចំណូលបាន ៩៩ ពាន់លានដុល្លា។អ្នកប្រើប្រាស់ជាច្រើនចូលចិត្តផលិតផលពីសហរដ្ឋអាមេរិកនិងពីបណ្តាប្រទេសអ៊ឺរ៉ុបដទៃទៀត។ប្រភេទផលិតផលដែលគេពេញនិយមទិញរួមមានម៉ូដសំលៀកបំពាក់កីឡាការធ្វើដំណើរនិងរបស់របរប្រើប្រាស់ក្នុងផ្ទះ។

៤, ជប៉ុន៖
ឈរនៅលំដាប់ទីបួននៅក្នុងបញ្ជីហើយប្រទេសនេះមានគេហទំព័រ Rakuten ដែលជាវេទិកា
ពាណិជ្ជកម្មអេឡិចត្រូនិកឈានមុខគេក្នុងតំបន់ និងក្រៅប្រទេសមួយចំនួន ក្នុងរយៈពេលប៉ុន្មានឆ្នាំចុងក្រោយនេះ។

ការលក់តាមប្រព័ន្ធអេឡិចត្រូនិចប្រចាំឆ្នាំ៖ ៧៩ ពាន់លានដុល្លារ

៥, អាឡឺម៉ង់៖
ប្រទេសអាឡឺម៉ង់គឺជាទីផ្សារពាណិជ្ជកម្មអេឡិចត្រូនិចធំបំផុតទី ២ របស់អឺរ៉ុបបន្ទាប់ពីចក្រភពអង់គ្លេស។ ហើយដូចចក្រភពអង់គ្លេសដែរគេហទំព័រ Amazon មានចំណែកយ៉ាងល្អនៅក្នុងទីផ្សាររបស់ប្រទេសអាល្លឺម៉ង។ គេហទំព័រ eBay & គេហទំព័រលក់រាយក្នុងតំបន់ជាច្រើនទៀតបានក្លាយជាកន្លែងលក់ទំនិញតាមប្រព័ន្ធអេឡិចត្រូនិចយ៉ាងសំខាន់ក្នុងប្រទេសនេះ។

ការលក់តាមអេឡិចត្រូនិចប្រចាំឆ្នាំ៖ ៧៣ ពាន់លានដុល្លារ

៦, បារាំង៖
ទីផ្សារអេឡិចត្រូនិចបារាំងស្ថិតនៅលំដាប់ទី ៦ លើពិភពលោកតាមរយៈ  C-discount ។ ដូចនៅក្នុងទីផ្សារអេឡិចត្រូនិចអ៊ឺរ៉ុបសំខាន់ៗដទៃទៀតដែរក្រុមហ៊ុន Amazon មានការជ្រៀតចូលយ៉ាងល្អនៅក្នុងប្រទេសបារាំងប៉ុន្តែគេក៏និយមម៉ាកក្នុងស្រុក ដើម្បីរក្សាភាពជាដៃគូរបស់សហរដ្ឋអាមេរិកផងដែរ។

ការលក់តាមអេឡិចត្រូនិចប្រចាំឆ្នាំ៖ ៤៣ ពាន់លានដុល្លារ

៧, កាណាដា៖
កាណាដាគឺជាទីផ្សារពាណិជ្ជកម្មអេឡិចត្រូនិចដ៏ធំមួយប៉ុន្តែមានការប្រកួតប្រជែងទាប។ ជាទូទៅ ក្រុមហ៊ុន Amazon គ្រប់គ្រងទីផ្សារអេឡិកត្រូនិចរបស់ប្រទេសនេះ ដោយដេញជើងជាមួយម៉ាកក្នុងស្រុក Costco។ ដោយមើលឃើញកាណាដាជាទីផ្សារពាណិជ្ជកម្មអេឡិកត្រូនិកធំមួយ ម៉ាកបរទេសផ្សេងទៀតក៏កំពុងព្យាយាមចង់ចូលជាចំណែកក្នុងស្រុកនេះផងដែរ។

ការលក់តាមអេឡិចត្រូនិចប្រចាំឆ្នាំ៖ 37 ពាន់លានដុល្លារ

៨, កូរ៉េខាងត្បូង៖
ប្រទេសដែលមានល្បឿនអ៊ីនធឺណេតឥតខ្សែលឿនបំផុតកូរ៉េខាងត្បូងស្ថិតនៅលំដាប់ទី ៨ ក្នុងបញ្ជីនេះ។ ប្រទេសកូរ៉េខាងត្បូងក៏ជាទីផ្សារឈានមុខគេផ្នែកទីផ្សារពាណិជ្ជកម្មផងដែរ។ ឈ្មោះពាណិជ្ជកម្មអេឡិចត្រូនិកធំជាងគេនៅក្នុងប្រទេសរួមមាន Gmarket និង Coupang ។

ការលក់តាមអេឡិចត្រូនិចប្រចាំឆ្នាំ៖ 37 ពាន់លានដុល្លារ

៩, រ៉ូស្សុី៖​ ទីផ្សារអេឡិកត្រូនិករបស់រុស្ស៊ីនៅតែស្ថិតក្នុងដំណាក់កាលចាប់ផ្តើមនៅឡើយ។ ប្រទេសនេះមានចំនួនអ្នកប្រើប្រាស់អ៊ីនធឺណេតច្រើនជាងគេនៅអឺរ៉ុបប៉ុន្តែការលក់តាមអេឡិចត្រូនិចបានប្រមាណ ២ ភាគរយនៃការលក់សរុបប៉ុណ្ណោះ។ Ulmart, Citilink, និង Ozon គឺជាក្រុមហ៊ុនលក់រាយអេឡិចត្រូនិចធំជាងគេបង្អស់នៅក្នុងប្រទេសនេះ។

ការលក់តាមអ៊ីនធឺណិតប្រចាំឆ្នាំ៖ ៣០ ពាន់លានដុល្លារ

១០, ប្រេសុីល៖
ប្រទេសអាមេរិកខាងត្បូងតែមួយគត់នៅក្នុងបញ្ជីនេះប្រេស៊ីលមានកំណើនពាណិជ្ជកម្មតាមប្រព័ន្ធ
អេឡិចត្រូនិចសមរម្យប្រហែល ២២% ។ ប្រទេសប្រេស៊ីលបានស្ថិតនៅលើរ៉ាដានៃក្រុមហ៊ុនលក់រាយតាមអ៊ិនធឺរណែតនៅអាមេរិកខាងជើង ប៉ុន្តែឥឡូវនេះអ្នកលេងម៉ាកក្នុងស្រុកគេនិយមទិញទំនិញតាម MercadoLibre & B2W Digital  កំពុងនាំមុខគេសម្រាប់ប្រទេសនេះ។

ការលក់តាមអ៊ីនធឺណិតប្រចាំឆ្នាំ៖ ១៣ ពាន់លានដុល្លារ

ប្រភព៖
Shopify Plus
Business
emarketer
easyship