បច្ចុប្បន្ននេះអ្នកញៀនស្មាតហ្វូនមានចំនួនច្រើនណាស់ បើយោងទៅតាមរបាយការណ៍ពី Skilled.co 82% នៃមនុស្សរាប់លានអ្នកមើលទូរសព្ទរបស់ពួកគេក្នុងរយៈពេលមួយម៉ោងបន្ទាប់ពីភ្ញាក់ពីគេងនៅពេលព្រឹក ហើយ 73% គេងជាមួយវា គឺដាក់នៅក្បែរគ្រែតែម្តង។
ហេតុនេះហើយបានជាម្ចាស់អាជីវកម្មធំៗជាច្រើនបានចាប់អារម្មណ៍ងាកមកប្រើមធ្យោបាយបង្កើនការលក់តាមប្រព័ន្ធអេឡិចត្រូនិចដែលយើងហៅថា eCommerce & Mobile Commerce។
ដំបូងយើងត្រូវមកស្គាល់សិន ថាអ្វីទៅជា Mobile Commerce?
Mobile Commerce ជាដំណើរការទិញលក់ តាមទូរសព្ទ ឬ ឩបករណ៍អេឡិចត្រូនិចផ្សេងទៀត ដូចជា Ipad ឬ Tablet។ ភាពជោគជ័យនៅក្នុងទីផ្សារបច្ចុប្បន្ន ពឹងផ្អែកទៅលើការឈានមុខគេនៃបច្ចេកវិទ្យា ដែលក្នុងនោះរួមមាន eCommerce & Mobile Commerce ។
Mobile Commerce បាននិងកំពុងផ្លាស់ប្តូរអោយអាជីវកម្មនៅលើ អនឡាញ ខិតទៅកាន់តែជិតអតិថិជនរបស់ពួកគេ ដូច្នេះម្ចាស់អាជីវកម្មទាំងនោះកាន់តែមានឱកាសច្រើនដើម្បីបង្កើនការលក់ និង លើកកម្ពស់អាជីវកម្ម។
ខាងក្រោមនេះជាស្ថិតិពីការលក់ទំនិញតាមទូរសព្ទដៃគិតជាភាគរយពីឆ្នាំ 2016 ដល់ 2021៖
ការលក់រាយតាមទូរស័ព្ទចល័តកំពុងកើនឡើងពីមួយឆ្នាំទៅមួយឆ្នាំ។ បច្ចុប្បន្ន ១/៣ នៃប្រតិបត្តិការពាណិជ្ជកម្មតាមប្រព័ន្ធអេឡិចត្រូនិចទាំងអស់ត្រូវបានធ្វើឡើងដោយទូរស័ព្ទចល័តហើយដូចដែលអ្នកអាចឃើញនៅក្នុងក្រាហ្វិចអត្រានេះនឹងកើនឡើងក្នុងរយៈពេល ២ ឆ្នាំខាងមុខ។ គេរំពឹងថា នៅឆ្នាំ 2021 ការលក់រាយតាមប្រព័ន្ធអេឡិចត្រូនិចលើទូរសព្ទដៃនឹងកើនឡើងរហូតដល់ 72.9%។
ដូច្នេះអាជីវកម្មដែលមានតែនៅហាងផ្ទាល់ អាចដួលដោយសារអានុភាពឌីជីថលទេ?
ប្រភព៖ Emarketer, Weareparkfield
